Crisis di Covid-19 tabata uno dificil pa hopi hende rond mundo y nos isla no a keda for di e gara devastador aki. Anne Witsenburg-de Jong di Stichting Monumentenfonds Aruba a conta un poco na unda tur nan operacion ta afecta te cu awo.
Caida den entrada tabata inevitabel. Mayoria ta esnan cu a sufri impacto inmediato na entrada na momento cu a shutdown tur cos riba nos Isla y esaki no tabata un excepcion pa Monumentenfonds. Na mes momento ta recorda cu Monumentenfonds ta un stichting y cu no ta ricibi subsidio di gobierno, mas bien nan entradanan ta drenta via huur di edificionan so. Cu e caida di turista manera por ehempel na California Lighthouse, afecta grandemente pa falta di turista cu ta nifica falta di entrada cu ta haci imposibel e pago di huur.
Di otro banda tambe ta papia di edificionan cu ta pendiente pa haya hende pa huur, caminda cu hopi no ta opta den e situacion cu nos pais ta pasando aden awo akinan pa compromete nan mes cu contractnan nobo tanten cu nan no ta sigur si e situacion lo stabilisa, y na ki momento. Gran parti di nan clientenan ta relaciona cu turismo riba nos Isla. Mayoria ta purbando di sobrevivi.
No obstante tin parti positivo tambe manera e empuhe di gobierno cu a pone proyectonan di restauracion di Monumentenfonds riba fast track y asina varios departamento dunando un man y yuda pa sigui cu e proyectonan.
Entre algun di e proyectonan tin sondea di con pa duna un otro funcion di e tanki di awa na Kibaima, sondea pa un funcion nobo na Klooster Imeldahof na Noord mientras cu ta saliendo cu tres proyecto riba destaho publico e luna aki cu ta riba e fast track cu ta yuda hopi.
Anne Witsenburg-de Jong ta spera cu door di e crisis tur e trabou di añas no bay perdi. Enfoke riba otro tipo di turismo di parti Gobierno y ATA lo habri oportunidad cu lo ta turismo cu lo aprecia cultura un poco mas contrario na e standard turístico cu tabata bin.
Reto di mantencion lo ta un reto pa monumentenfonds pero di otro banda danki Dios ta spera cu e fondo di reserva/espacio financiero cu por usa awor pa sobrevivi pa asina paga demas colega y continua cu trabou. Monumentenfonds semper a traha cu un plan di mantencion di 25 aña pa preveni di kico lo por a pasa cada aña y tin un reserva cu por usa y asina continua. Ta evalua si ta pospone algun trabou di mantencion di proximo aña/ of aki dos aña cay. Mirando cu cada acuerdo di huur ta cubri tur cos pero no ta traha pa ganashi pa e fundacion. Pesey ta wak con ta bay sigui anda cu e crisis y cu speransa cu cu tur cos lo drecha pa asina continua cu nos herencia cultural manera nos a haci semper.
