Diamars atardi por a tuma nota di un publicacion haci pa un website di noticia, caminda cu e ta indica cu Cas di Machi no tabata kier un cliente mas y a bisa personal di ambulance pa keda cu e persona en cuestion.
Ta p’e motibo aki mes enfermera Flora Petronilia a comenta cu e no kier a bay den un discusion di loke a publica. El a menciona cu e ta laga esey na cada ken pa saca su conclusion. Loke si el a bisa bon cla ta, ken ta cas di cuido ‘Cas di Machi’.
Cas di Machi ta un cas di cuido no ta pa solamente hende di edad, pero tur tipo di persona of pashent ta acepta eynan. El a agrega cu segun procedura e pashent tin un acuerdo cu su specialista. Despues di esey, ta cuminsa cu e tratamento. Loke ta sosodiendo awo ta cu tin hende grandi cu tin alzheimer, etc. y un famia mester represent’e cu ta bira un curator of esun cu ta responsabel.
Cas di Cuido ta ehecuta, pero tin cu but’e por escrito, unda cu tin cierto procedura cu Cas di Machi ta haci. E ta cu e dokter/specialista ta yama e famia, despues e representante di Cas di Machi. Eynan e dokter ta indica kico ta bira e diagnostico di e pashent.
Pa mas detaye lesa TREMPAN.
