Grupo di nos grandinan, Flor di Brazil a celebra Carnaval den Centro di
Bario Brazil. Fiesta di Carnaval tabata un celebracion en grandi dia 19 di February cu nos grandinan di Flor di Brazil. Ambiente total tabata den man di Los Amikales cu a toca masha dushi mes. Durante actividad a saca Señora Carnaval cu a keda den persona di Pascaulita (Popo) Janga.
Reina Carnaval a keda den persona di Flora de Cuba. Prins Carnaval Nemencio Croes y Pancho Carnaval Olivio de Cuba. Prins/Pancho voluntario Hendrik Quant y Reina voluntario Alfonsia (Chichi) Quant
Tambe a escohe entre e participantenan e Trahe Carnavalesco cu a keda den persona di Philomena Bislick y Rosenda (Chenta) Croes.
Un dia ameno cu hopi musica y alegria. Tremendo trabou di tur esnan cu a haci nan esfuerso pa un bunita actividad.
