Awe merdia mas o menos 12:10pm, diripiente coriente a bay na Centro di Husticia na Macuarima. Un rato despues a drenta melding cu un flatbom cu number DT-7, carga cu un forklift riba dje, a pasa ranca e wayanan di coriente dilanti e entrada di Centro di Husticia, tumbando e palo di luz por completo.

E polisnan di e districto mesora a sali pa atende e situacion, desviando trafico pa e instancianan concerni por haci e trabounan necesario di reparacion.

Pa colmo e flatbom tabata hibando e forklift pa Warda di Polis mes pa algun trabou necesario. E departamento di trafico ta haciendo investigacionnan necesario.

Comments

comments