Fitch Rating ta cambia “outlook” di positivo pa negativo pa Aruba

566

Aña pasa ainda Aruba tabata goza di un outlook positivo di Fitch Rating. Den su evaluacion di e maneho actual di e Gobierno nobo, Fitch a yega na e conclusion cu e Gobierno actual no ta bay alcansa e normanan cu e Gobierno anterior a palabra cu Hulanda. Esaki ta e motibo principal pa a cambia e outlook di Aruba di positivo pa negativo.

Fitch ta bisa literalmente:

The Negative Outlook reflects substantial deviation from previously established fiscal deficit targets.

Desde aña 2015 e presupuesto di Aruba mester cumpli cu normanan cu tin den e ley di CAFT. Na 2015 e norma tabata 3.7% y e Gobierno anterior a logra esaki. Na 2016 e tabata 2% y esey tambe a wordo alcansa. Esaki a worde certifica dor di CAFT y Algemene Rekenkamer. Na 2017 e Gobierno anterior te cu mita di aña, segun CAFT, tabata riba curso di lo por a alcansa e norma di 2017 cu ta 0.5%. Tur esaki a cambia cu e Presupuesto cu e gobierno nobo a cambia.

Situacion a bira aun pio awo cu e Gobierno actual a dicidi cu nan no ta bay logra e norma stipula den e ley di CAFT pa 2018, cu ta 0.5%. Fitch ta menciona cu esaki ta e mayor motibo pa a cambia e outlook di positivo pa negativo.

The Negative Outlook reflects substantial deviation from previously established fiscal deficit targets.

Tambe FITCH ta expresa preocupacion pa cu e falta di claridad riba e refeneria. Un punto cu tambe ta resalta ta cu FITCH ta premira un posibel conflicto entre Gobierno di Aruba y Gobierno di Reino.

Bao di e capitulo di RATING SENSITIVITIES e rating agency ta bisa cu un di e factornan cu por conduci na empeora e rating di Aruba aun mas awor cu Gobierno no kier atene su mes na e normanan di CAFT, ta un conflicto cu Reino.

Literalmente Fitch ta bisa: cu un di e factornan cu por

trigger a negative rating action is a deterioration in the institutional relationship between Aruba and the Netherlands.