Fiscal na Benny Sevinger: Si mi laga bo bay MEP ta rabia!

Ta parce cu den e caso Avestruz, tin un guera pa poder y pa evita perdemento di cara. Hopi lo pensa cu aki e parlamentario Benny Sevinger lo ta haciendo tur lo posibel pa defende su bon nomber y imagen, mientras di otro banda fiscal y Ministerio Publico no lo kier perde cara tampoco y sali afo manera e gran perdedo den e investigacion. Locual ningun hende ta tene na cuenta, ta cu lo tin forsanan politico tambe meti, cu tampoco lo kier perde cara. Esey e fiscal encarga cu e caso awo a confirma na e sospechoso principal den Avestruz, esta e politico Benny Sevinger

Fiscal mr. Wouter Gerretschen a bisa Benny Sevinger cu e tin cu tuma un decision si e ta keda cera of e por warda su caso den libertad. E fiscal, cu a huramenta na Aruba desde 2016 y ta cla pa bandona Aruba y baha cu pensioen na Hulanda, a aclaria na e politico, cu tin presion politico riba e caso. El a bis’e textualmente cu si e laga Benny Sevinger bay den libertad condicional, cu MEP lo rabia y AVP lo ta contento. Si e wanta Sevinger cera, MEP lo ta contento y AVP lo ta rabia. Pues el a dicidi di lag’e cera numa te dia su caso bin dilanti den corte. Pa e articulo completo, lesa e edicion di TREMPAN di awe.