Joseph Boekhoudt ta e hoben sospechoso, kende tabata stuur e auto for di cual un amiga di dje, Zachary Quandt, a los tres tiro di cual un bala a alcansa Ski, cu a fayece algun dia despues. Abogado di e acusado, mr. Zuhaila Arendsz-Marchena a splica cu su cliente ta lamenta masha hopi loke cu a pasa e dia ey. E sucedido a shock comunidad, famia di e victima pero tambe famia di e acusado. Su cliente continuamente ta bis’e cu e ta lamenta hopi mes loke cu a pasa e dia ey.
Pa loke ta e defensa, Abogado Arendsz-Marchena a bisa cu mirando e caso, e circumstancianan rond di esaki, e edad di su cliente (un acusado hubenil), e ta haya cu e castigo pidi door di Fiscal ta un mucho halto, esta 4 aña incondicional cera den “jeugddetentie”.
P’esey tambe a haci un apelacion pa tene cuenta principalmente cu edad di e hoben aki, kende pa prome biaha ta haya su mes envolvi den un caso asina’ki y no tabata esun cu a bini cu e idea pa tira ni a los e tiro.
A pidi Hues pa considera e aspectonan huridico profundo prome cu otorga e castigo maximo cu un acusado hubenil por haya. Dia 12 di april lo tin sentencia den e caso aki.
