Despues di e acto protocolario diaranson mainta pa recorda celebracion Dia di Independencia di Filipinas, den oranan di anochi tabatin e celebracion den Don Bosco na Noord.
E celebracion a wordo guia pa Consul General Honorario di Filipinas na Aruba Amy Henriquez Mendes y den un forma mas informal. Tambe a participa den e celebracion Lolita Kapko, Consul General di e Embahada Filipino na Hulanda.
A percura pa e anochi aki tin un banda Filipino cu a presenta musica folklorico mientras cu e e invitadonan por a saborea platonan di nan pais.Tambe tabatin un show cultural.”Nos ta masha orguyoso cu pueblo a acepta Filipinonan como un miembro mas di e comunidad. E Filipinonan mes semper ta trata di integra nan mes, papiando e idioma di Aruba, cu no ta un problema pa nan. Nos ta hopi feliz di ta biba aki na Aruba.”
