Fila largo di hende pa haci test di Covid-19 na hospital

3694

Siman pasa na Urgent Care situa na Noord, tabata tin fila di auto cu a bay te banda di Links. Esaki tabata pa motibo cu hopi hende a bay eynan pa haci test di Covid-19. Despues nan a saca un comunicado pa informa cua test ta valido y no valido. Awo e fila largo di esnan cu a bay haci test pa Covid-19 ta na hospital.

Filanan largo pa haci test di Covid-19 na Hospital

Posted by 24ora on Friday, August 14, 2020

E hendenan ta keda sinta den nan auto y asina cu haya señal nan ta por subi e tereno di hospital pa haci test. Pa por yega na e area di test, tin cu pasa e entrada di Spoed Eisende Hulp y na man links di caminda tin un entrada unda cu eynan hendenan ta para warda pa bay haci test. Aki e hendenan tin cu sigui instruccion di e trahadonan di siguridad di hospital.

A bin diferente discusion di cua test ta valido of no. Riba e tereno di APA, Urgent Care a pone tentnan pa test Covid-19, pero a kita esakinan pa motibo di permiso. Algun dia pasa e situacion aki tabata na Urgent Care, pero awo tin un fila na Dr. Horacio E. Oduber Hospital. Esaki ta bin pa motibo di e comunicado di algun dia pasa y a informa cua test ta valido.