Fiansa pa Aruba ta secuestra: Parlamento no ta acepta proposicion di Hulanda

Tur fraccion den Parlamento, tanto AVP, MEP, POR, RED y e fraccion independiente di Lejuez, awe a duna un mandato cla na Gobierno pa sigui na mesa di negociacion y tambe pa pidi un conseho di Raad van State riba e desaroyo aki. Parlamento ta boga pa Gobierno di Aruba firma protocolnan individual cu Gobierno di Hulanda, enbes di e dos Rijkswetten cu tin riba mesa awo. Awe Minister Presidente y Minister di Husticia a presenta e ultimo desaroyonan rond di e fiansa cu Gobierno di Hulanda.

Minister Andin Bikker a bisa pafo di Parlamento cu e reunion awe tabata bon y cu a sinti un sosten di tur fraccion. E mes a firma yen areglo interno cu e Ministernan di Husticia di Hulanda, Corsou y Sint Maarten riba otro acuerdonan di cooperacion, pa mustra cu por topa otro den otro forma cu no necesariamente mester ta un ley di Reino. Esey awo ta riba mesa y e mensahe lo bay bek na Hulanda cu Parlamento no ta sostene Gobierno den e asunto aki.

Pa loke ta mañan, lo no tin un deadline of cu ningun decision lo cay na Den Haag. Simplemente tanten cu Aruba no acorda e condicionnan pa fiansa, lo no tin placa tampoco. Ayera Gobierno a splica cu no tin mucho rosea mas, pues un decision mester cay pronto!

Minister Andin Bikker ta reaciona riba reunion na Parlamento y reunion cu GNC

Minister Andin Bikker ta reaciona riba reunion na Parlamento y reunion cu GNCClick link pa mas: https://24ora.news/324gyx5

Posted by 24ora on Thursday, August 13, 2020