Hoben y mucha a sobresali den Festival un Canto pa Aruba su Himno y Bandera

Durante e fin di siman cu a pasa a tuma luga festival Un Canto pa Aruba su Himno y Bandera, cual tin cu remarca tabata super bon atendi. Esaki a tuma luga riba Plaza Betico Croes. Diadomingo tabata e anochi final, caminda cu 10 tipico a participa den tur cuater categoria.

Pa loke ta categoria 4 pa 6 aña, Kitai de Jongh a sali ganado. Pa categoria 7 pa 9 aña, Dayenne Gibbs, a keda na di dos luga y Javinah Besselink a sali ganado. Pa e categoria 10 pa 12 aña, Zarel Yarzagaray a sali na di dos luga, mientras cu Genevan Maduro a sali Ganado. Por ultimo pa e categoria di 13 pa 17 aña, Jadiene Croes a sali na di dos luga, mientras cu Shannon Bueno a resulta ganado.

Fuera di e festival, riba e plaza mes, tabata tin un feria grandioso, caminda cu e publico por a pasa cumpra nan plato crioyo, artesania, cos dushi y mucho mas. Algo cu no tabata di falta mes. Un palabra di pabien ta bay an tur e ganadornan, tanto cantante, compositor, areglista y e tipiconan cu a sa di duna un tremendo participacion riba tur tres anochi.