Chauffeurnan di bus ta keha constantemente di taxistanan Pirata. Nos a papia cu Ulisses Maduro, kende ta un chauffeur di bus, a splica cu despues cu el a bin bek di un vakantie, el a bin topa cu varios taxista pirata. DTP hunto cu Polis awor aki ta haciendo nan trabao pa para e fenomeno aki.
E mes a wordo para, pero ta pa un control cu nan ta bin ta haciendo normal.
Maduro a splica cu su papelnan semper ta na ordo, pesey nan ta paga nan impuestonan y ta contra di e piratanan.
Tur dia
Esaki ta algo normal. Piratanan ta algo normal, segun Maduro. Tin videoclipnan cu e ta traha caminda cu taxistanan pirata ta pasa piki nan pasaheronan. No por tuma ley den man, segun e ta splica.
Reaccion
Ora cu e chauffeurnan reclama e taxistanan pirata, nan ta saca dede, nan ta coba mama. E mes no por haci nada, e no ta polis. E taxistanan aki a perde gevoel. Nan ta para dilanti di e bus y bay cu e pasaheronan. Ta algo cu no por na Aruba.
Perde auto
Tin di compronde cu un taxista pirata a wordo deteni, cual ta un bon cos cu ta pasando awor aki riba e ruta di Oranjestad/Noord.
Con por stop’e
Loke tin cu haci pa cada biaha tin controlnan sorpresa. Esnan cu ta encarga cu esaki, pa nan percura pa pone un polis riba e ruta, pasobra e ruta aki ta cuenta di 25 pa 30 pirata pa dia. Tin cu percura pa un polis, style di ondercover, traha su archivo, wak ken ta ken y ora cu mester por, mester por ataca.
Numbernan nota
Coleganan di Maduro tin basta number nota y e mes door cu el a cuminsa bek, por mira con e situacion ta y cos no por sigui. E ta contento cu DTP y polis tur ta bezig awor aki ta atacando e piratanan.
