Federacion di tennis di mesa a tene nan torneo di ranking luna di februari

E sistema di ranking ta uno hopi importante pa e federacion di tennis di mesa, Aruba Table Tennis Association(ATTA) unda hungadornan tin cu hunga tur luna cada torneo pa keda cu e puntuacion maximo y posiciona nan mes entre e mihornan cu a lo largo lo duna nan e paso pa representa Aruba den exterior. E forma di ranking aki a duna su fruto mirando cu e la haci nos atletanan mihor cu mas dedicacion y determina pa saca e mihor di nan mes como atleta.

E competencia ta uno sano y e mayoria ta haya e oportunidad pa midi nan nivel den exterior esaki den torneonan renombra den region y continente. Aruba Table Tennis Association lo sigui hasi nan maximo esfuerso pa cumpli cu nan atletanan organisando torneonan individual y team esaki tanto na Santa Cruz y San Nicolas.

Den e resultado di ranking den luna di februari 2020 nos tin den B klas na prome lugar Zhao Xie, na di dos lugar Franklin Lopes, na di tres lugar a keda Micheal Ling y ta na cuater lugar Ching Ho Chung. Pa loke ta e categoria U15 nos tin na prome lugar, Josielienne Boekhoudt, na id dos lugar a keda Dylan de Leca, na di tres lugar nos a haya Ethan Fan y na di cuater lugar nos tin Brandon Deleca. E categoria di U11 tambe a mira accion unda e hoben Brandon de Leca a conkista e prome lugar sigui pa Chase Fan cu e termina na di dos lugar mientras na di tres lugar a keda Tommy Chang. Den e categoria U13 e bataya tabata fuerte unda e hoben Wallace Fan a logra ked ana di prome lugar sigui pa Ethan Fan na di dos lugar y Dylan de Leca a termina na di tres lugar.

Stichting Sportsubsidie Aruba ta contento di por aporta y brinda e ayudo na e federacion di Aruba Table Tennis, cu tur luna ta organisa e torneo di ranking pa nan atletanan di tennis di mesa. Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. 
Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba