Fecha pa pago di pensioen ta prome di cada luna

2614

Awe a surgi un problema ora cu algun cliente di edad a yega nan banco pa cobra pensioen y a resulta cu nan placa no a pasa ainda riba nan cuenta.

Tin hendenan cu a yega mainta tempran nan banco y a keda para te den oranan di merdia, sperando cu nan placa lo por a pasa. Sinembargo esey no a sosode.

Tur pensionado ta haya na inicio di aña e fechanan di pago. Semper e ta riba e prome dia di luna. Sinembargo, si esaki ta cay den fin di siman, e ta wordo procesa e dia di labor prome cu esey. Pero nunca  e ta pasa e fecha di prome di luna.

Sinembargo tin biaha banco ta manda e pagonan prome cu e fecha indica door di SVb. Pero esaki atrobe ta keda na discrecion di e banco. Tin banco ta hacie prome cu e fecha, pero no ta tur biaha tampoco ta haci esaki. Pero e clientenan a custumbra cu esaki.

Sinembargo mester corda cu e dia di pago ta prome di cada luna.