FCCA tin yen di proyecto den tapara. Edwin Tromp, director di e parti comercial y tecnico di e entidad, a splica cu el a haya cu e situacion cu mester traha mas cas y tambe mester evalua unda nan mes ta.
Un di e hechonan cu a sali dilanti ta cu costonan ta subiendo. Cas convencional ta pasa 250 florin pa vierkante meter.
FCCA tin e parti di e hendenan cu no tin hopi recurso, clientenan cu ta huur cas y esnan cu a haya subsidio. Si sigui bay asina, ta haya cu e no ta bira pagabel kisas. Esey a pone cu a bay explora y haya sistemanan cu ta mas combiniente den e parti economico. FCCA a cumpra un sistema na Hulanda, unda cu si mira na Tanki Lendert, uno ta practicamente cla, na San Nicolas tambe ta practicamente cla y cu uno ta bin banda di dje, unda cu nan ta arma e cas y caba cun’e den seis luna.
Esey ta e prome biahanan. Unabes cu haya e experiencia por ta por corta e tempo y el a yuda FCCA tambe yega na nan meta cu nan ta bay baha e costo per vierkante meter.
A bestel na Hulanda 87 cas. A firma cu un compania cu un otro producto, cual ta foam, hero y cement. Nan ta bay traha 71 cas pa FCCA. Asina tin mas cos. FCCA tambe a traha esunnan convencional na Savaneta, cualnan ta 32. Na Cunucu Abao tambe nan tin 32. Si mira bon, e aña aki por yega den construccion riba 200 cas.
E proyecto aki a cuminsa den parti di aña pasa y e aña aki. Tin otro desafionan pa loke ta bouwvergunning. Tin cosnan tambe cu tin cu drecha. Pero tin e plan y e finansas pa ehecuta esaki e aña aki y e otro aña. E lista ta grandi, segun Tromp.
Hopi hende ta haya subsidio di gobierno. Kisas a yega e momento cu cu e limite cu e gobierno a pone ta yega na top. Nan ta expande, si of no. Esey ta sigur un parti grandi pa hopi hende cu no por paga. Salario minimo ta rond di 1800 y esnan cu ta haya ayudo di 850 bijstand, kisas no por paga un cas, pero den esaki ta unda cu FCCA ta cay aden cu e parti social. Tin hende cu ta haya hopi subsidio, pasobra nan no tin e manera pa pag’e. Tin cas cu ta pa acomoda hende grandi. Den e proyectonan di FCCA tin casnan cu a cuminsa caba pa adapta nan na e situacionnan cu rolstoel, portanan mas hancho, bañonan mas espacioso. Un rolstoel tin cu lora un caminda, e no ta manera un hende.
FCCA ta mira cu aworaki cu e producto nobo ta hopi bon, pero mester haya e aprobacion di DOW, Brandweer.
FCCA tin tereno pa traha cas. Esey tambe ta algo cu a cambia. Awor FCCA tin basta tereno. For di 2017 a cambia esey caminda cu nan ta uza na propio tereno. Na Noord por ehempel tin un proyecto di 46 cas. A bende nan na prijsnan modesto y a financia hendenan cas cu nan por paga.
“No ta sin mas por paga un cas di 150 mil florin. FCCA no ta traha cas di pueblo, cual ta yama casnan social, hopi banda di otro mas. E por trece problema. Awo bo por haya 20 pa 30 banda di otro. E maximo ta 50. FCCA tin na Tanki Lendert 36 cas banda di otro di 3 piso, cual ta den construccion, cerca di e Kapel di Jose Gregorio Hernandez. Na San Nicolas tambe nos tin proyecto di dos piso. Aworaki nos tin un verkaveling na Rooi Bosal. Nan ta cerca di haya e vergunning. Eynan ta traha di 24 pa 30 cas di dos pa tres piso. Tin na Savaneta, banda di e piscina olimpico. Eynan tambe ta carga 20 pa 25 cas.” Tromp a sigui splica cu ta cuminsa prepara un tereno grandi na San Nicolas cu ta verkavel caba. Eynan ta bay pone un infrastructura, cual ta carga sigur banda di 80 cas. Tin na Weg Kustbaterij, nan tin 15 los, cual tin chens pa firma contract ainda pa fin di e aña tambe. A cumpra varios tereno na San Nicolas, cual nan ta bay
