Den un tempo cu tin hopi hende ta pasando den momento nan dificil , nos kier corda Aruba cu nos ta keda doño di nos felicidad. Tin un dicho ta bisa “ No tin malo cu ta duro 100 aña”. Laga nos Baila, laga nos canta y corda nos niun ta nos so.
E cantica Jerusalema porta nunca no lo tawata e hit cu e ta awor si no ta pa locual mundo ta pasando aden.
Siman pasa FCCA a discuti e “Jerusalema Challenge” y a constata cu Jerusalema ta locual Aruba mester awor. Sin e ekipo dinamico y flexible di FCCA nos no lo a logra termina tur esaki asina liher, a entrena den fin di siman y pa Diamars e coleganan di FCCA tawata cla pa filma.Nos kier trese un tiki alegria pa Aruba completo.
Tin diferente instancia a tuma contact cu nos y algun a manda video cunan ta bailando riba e cancion Jerusalema y treciendo alegria na pia di trabou. E ta mane un symbolo cu tin tempo mas mihor na caminda. Hunto nos ta hopi mas fuerte y manera e cantica mes ta bisa, “save me, walk with me”.
Join nos den esaki, traha bo grupo di minimo 4 persona y maximo 15 persona.
Pa reglamento di e challenge aki por bishita nos website: www.fcca.com of nos facebookpage.
Keda pendiente cu pronto nos lo divulga Huradonan.
Nos ta pidi tur hende pa mantene social distance y bisti “mondkapje”, no haci esaki solamente den e video pero ora di train tambe. Esaki ta algo positivo , “laughter is the best medicine” pero laga nos hacie nan un forma consiente y cuidando di otro na e mihor manera cu nos por.
Aruba nos ta challenge bo.