Fundacion Cas pa Comunidad Arubano (FCCA) no a scapa di e coronavirus y tampoco nan clientenan. Nan a logra haci un tipo di refinanciamento pa nan clientenan no perde nan cas.
E crisis a afecta e trahadonan, e clientenan y nan proveedornan, segun e director Edwin Tromp a splica. Den periodo di Shelter in Place, FCCA tabata un di e empresanan cu a keda funciona, aunke cu un skeleton crew. Esaki debi cu tabatin cierto trabounan cu mester a sigui, manera e parti di cera bukinan.
E fundacion tin mas cu 1600 cas y e mantencion di e casnan aki mester sigui. Hopi biaha mester drecha bentana, porta of dak kibra, pero tambe tubonan cu a kibra. FCCA ta keda responsabel pa mantención di e casnan cu nan ta huur.
Pa loke ta e parti di hipoteca a atende mas cu 550 persona, mientras den e seccion di huur 225 persona.