Fayo tecnico a laga varios lugar sin conexion di internet

Diaranson marduga un fayo tecnico a causa cu por lo menos 70 lugar, mayoria den area di Oranjestad a keda sin conectividad di internet. E conectividad entre establecimentonan manera Departamento di Impuesto den Camacuri y e sucursalnan cu tin rond di nos isla tambe a keda afecta.

Na Aeropuerto Internacional Reina Beatrix pa algun rato no por a check in debi e fayo, e situacion aki a keda remedia algun minuut despues cu un plan di contingencia. Na telefon a compronde for di SETAR su Servicio di Support cu e problema lo keda resolvi pronto. Ta trata mas tanto usuarionan cu ta haci uzo di e sistema di fibra optico pa haya conexion di internet.