Manera a informa desde principio, a activa Faya bo Haya pa temporada di Carnaval y no ta basila na momento cu topa cu mal comportacion durante cualkier actividad.
Esaki mes ta locual a pasa durante y despues di actividad di Jouvert Morning. Por a tuma nota cu mientras solo tabata sali, e tension tambe tabata subi.
Basta hende bou influencia cu no tabata por a comporta nan mes. Algun envolvi den caso di maltrato, tanto na pareha como na otro hende.
Varios transporta hunto den van di CEA y otro cu transporte di polis. No ta descarta cu lo por bin mas detencion como cu tin control den trafico relaciona cu hende burachi tras di stuur.
