Diabierna ultimo tabata un otro dia sumamente importante pa nos pais Aruba y muy especial pa San Nicolas. E dia tan espera a yega pa por a firma e MOU pa cu e Fast Ferry. E proyecto aki ta un idea cu ta origina di Minister Andin Bikker tempo e tabata parlamentario.
Den e gobernacion aki Minister Chris Romero no a pensa dos biaha pa gara e idea pa asina transforma e den un bunita proyecto pa San Nicolas. Minister Chris Romero y Minister Steven Martina di Corsou a efectua e firmamento.
Durante di e firmamento di e MOU por a admira un smile grandi di orguyo riba cara di esunnan presenta. E proyecto aki lo trece un boost economico sigur pa Aruba y muy especial pa San Nicolas.
Parlamentario Alan Howell a remarca cu e tabata presente como vice presidente di Parlamento y pa testigo di e firmamento di e MOU. Alan a termina ta bisa cu for di Parlamento sigur sigur e lo sigui pusha tur cu tin pa e proyecto aki keda cla mas lihe posibel.
San Nicolas merece pa rebiba bek y den gran forma. “Together we can make it better”