Fanatiq, e banda cu a deleita e publico na Rotterdam den e evento popular “Paranda Rubiano,” ta cla pa trece nan energia explosivo tur caminda. Despues di a compaña e artistanan local y presenta nan propio set, Fanatiq a conkista e curasonnan cu nan estilo unico y contagioso.
Rena the Artist, un di e vocalistanan di e banda, a comparti e emocion di sinti e adrenalina riba escenario, describiendo e experiencia como un “sentimento dushi di ta na cas.” Kulchaman, otro miembro di e banda, a enfatisa e placer di comparti e musica Rubiano cu un audiencia global, y e bendicion di ta forma parti di un grupo asina talentoso
.
E banda ta consisti di un elenco estelar di musico: Rena the Artist como cantante principal, Dwayne como director musical, Rene den e rol di manager, Gerrit ribba conga, Icky cu su guitara melodioso, Ashwin cu su ritmonan vibrante na drums, y Sandro cu su liñanan di baho poderoso.
Rumannan, prepara boso mes! Tin rumor cu Fanatiq lo duna presentacion pronto na Aruba. Tanten, sigui nan riba nan rednan social pa keda na altura di nan plannan, y corda e tremendo presentacion cu nan a duna na Rotterdam.
