Fanatico di Barcelona envolvi den accidente despues di wega

7788

Awe tardi a tuma luga un wega di futbol entre e ekipo Barcelona y Atletico Madrid, na Spaña. Despues di e wega, cu hopi a mira via television, alrededor di 6:00pm, a sosode un accidente di auto riba e caminda di Sabana Liber, entre dos auto di e mesun marca. Un Toyota RAV4 y un Toyota Prius a dal den otro, lagando un persona herida atras.

Manera ta conoci, ora e ekiponan aki hunga, e interes di fanaticonan na Aruba ta masha grandi mes y ta yega na varios sportsbar pa por sigui e weganan di cerca. Por nota claramente cu e victima den e accidente ainda tabata bisti cu su jersey di Barcelona. E wega mes a termina cu score di 2-2.

Polis y Ambulance a presenta na e sitio pa atende cu e desgracia. Obviamente ambos auto a keda atras cu bastante daño material. Polis lo investiga causa di e accidente aki.