E crusada di Emmastraat y Koningstraat ta uno caminda frecuentemente ta ocuri accidente y gran mayoria ta pa falta di preferencia. E ta parse cu e chauffeurnan ta lubida cu tin cu para na e crusada aki y duna trafico cu ta bin di Noord preferencia.
Diahuebs mainta no tabata excepcion. Un KIA sportage ( color preto ) biniendo riba su caminda di preferencia ta yegando e crusada y aki ta hay’e sorprendi cu un RAV4 ( color preto ) no ta tene cuenta cu e tin cu para y ta subi crusada cu tur consecuencia. E ta dal den e KIA sportage y ambos ta haya basta daño material.
Polis a presenta y tuma tur dates nececario di e accidente. A pidi presencia di ambulance mirando cu un di e chauffeurnan ta persona di edad y tabata keha di dolor na su man.
Un biaha mas ta recorda tur esnan cu ta tuma e ruta aki pa tene cuenta cu e crusada aki pa evita daño y gasto innececario. Mas importante pa evita accidente cu consecuencianan hopi mas grave.
