Famoso cientifico Stephen Hawking a fayece

815
CMB Ban Cobra
RBC Loan Calculator
Hyundai i10
Send a Tip 24 Whatsapp
Download nos App

E famoso fisico, cosmologo, astronomo y matematico Britanico, Stephen Hawking, a muri na edad di 76 aña, segun vocero di e famia. Hawking, kende a sufri di un enfermedad duro, a publica bukinan tremendamente popular cu ta explora e misterionan di e universo.

Ranger Summer
CIBC Get Moving
Redfish lunch Special Sept
Fusion Summer

Di acuerdo cu e Asociacion di Prensa di Gran Britania, su yiunan Lucy, Robert y Tim Hawking a publica un declaracion atrabes di e vocero di e famia cu ta bisa lo siguiente: “Nos ta profundamente tristo cu nos tata stima a fayece awe. E tabata un gran cientifico y un homber extraordinario cual trabao y legado lo perdura pa hopi aña. Su valentia y persistencia, hunto cu su genialidad y humor, a inspira personanan rond mundo. El a bisa un biaha: “No lo ta tanto un universo si no tabata e hogar di e hendenan cu bo ta stima.” Nos lo bay haya su falta pa semper.”

Hawking tabata sufri di un sclerosis lateral amiotrofico (ELA), un enfermedad degenerativo di e tipo neuromuscular, comunmente conoci como e malesa di Lou Gehrig, cu sa ta mortal den un poco tempo. El a wordo diagnostica na 1963, tempo cu e tabata tin 21 aña y e dokternan inicialmente solamente a dun’e algun aña di bida mas.

E enfermedad a lag’e den un rolstoel y paralisa. E por move solamente algun dede di un man y tabata depende completamente di otro y di tecnologia pa practicamente tur cos: baña, bisti, come y hasta papia. Hawking tabata uza un synthesizer di stem cu tabata permiti’e papia.

“Mi ta purba di hiba un bida mas normal cu ta posibel y di no pensa den mi condicion, ni arepenti di e cosnan cu ta impedimi haci, cu no ta hopi,” el a skirbi riba su website.

Hawking ta wordo considera como e cientifico contemporaneo mas importante di mundo y tabata autor di hopi obra, incluyendo e buki “Un breve historia di tempo”, cu a bende mas di 10 miyon di ehemplar.

Hawking tabata casa dos biaha y tin tres yiu, manera ya indica. Tambe, segun su website, e ta laga atras tres nieto. El a nace na Oxford, Inglatera, den loke a resulta di ta un fecha curioso: dia 8 di Januari, 1942, aniversario number 300 di e morto di e astronomo y fisico Galileo Galilei.

 

Comments

comments

Test Drive Cordia Carnival Village y Do It
Dragon Fly
AC Delco 20% Service
home improvent