Famia di un cliente di Maris Stella a duna nan banda di medaya pa loke ta e situacion na e cas. Sigur ta un mal contento pa e famia cu no tin comunicacion cu nan sernan keri pa basta dia.
Nieta di un cliente di e cas di anciano, durante un rueda di prensa, a menciona cu e ta bezig ta representa famia cu su wela a wordo diagnostica cu Coronavirus diabierna ultimo, unda cu e comunicacion entre SABA y e cas di anciano por a bay un tiki mas miho. Famia ta wardando contesta for di Maris Stella y te ainda no a duna oido.
Si e grandinan den Maris Stella tin coronavirus y tin e posibilidad di bay atras mas lihe, kico ta e posibilidadnan cu e famianan por haya tiki mas contacto personal, uzando otro medionan di comunicacion pa por keda den contacto cu nan mas miho posibel. E famia tin algun pregunta na SABA, unda cu nan ta bisa cu riba dia 28 di augustus, SABA a anuncia di a publica cu a wordo menciona cu dos persona a wordo contagia. Ta compronde esaki cu por ta e cliente ya menciona. A tuma medidanan di biaha, entre otro bisti nan di proteccion pa proteha e otro clientenan.
Ora cu por a mira e wela por medio di videocall, dicon e momento ey no ta mira e bestimenta. Tambe ta mirando clientenan cu ta drenta sali den e mesun camber cu e wela ta. Awo ta compronde si ta papia di isolacion, con leu por compronde esaki mas miho. Esey ta nifica cu nos grandinan ta isola den un camber su so of e hendenan cu ta bibando hunto, con esey ta bayendo. E ora ey nan ta contagia otro. Tambe tin un yamada pa SABA, pa mehora e parti di videocalls. Tin maneranan hopi mas efectivo pa por tin contacto, manera cama, microfoonnan drechi.
Ta haciendo accionnan grandi den comunidad, unda cu ta colecta placa pa por yuda haya e oportunidad pa por crea un fondo pa asina por haya un miho manera pa por comunica, usando medionan live cu por comunica un tiki mas lihe y personal cu e sernan stima.
E manera con ta yama e cas di anciano y no ta contesta e yamadanan, ta algo cu e famianan ta haya straño. Ta purba di comunica, pero cada biaha tin cu haya otro numbernan pa yama. Tin cu yama e dokter, of afdeling of un persona personalmente. Esey tambe ta algo cu ta cuestionando. Awo cu e cliente a wordo constata cu e virus y si e mester bay atras y si e ta ayendo atras, por fabor si tin un bezoeksregeling cu por wordo regla, sikiera un di e famianan por wak e wela, prome cu algo mas serio pas’e. Ta un yamada na SABA, pa por fabor haci esaki.
Mester tin un orario di bishita reglamenta. Sa cu e situacion aki ta hopi fastioso y cu Covid ta algo hopi contagioso. Pero por traha pa asina por keda den contacto cu nos grandinan, prome cu nan bay. Tambe ta compronde cu tur e enfermeranan cu trahando den Maris Stella y hospital, tin’e hopi duro y esey ta comprendibel. Pesey tambe ta haci un yamado na comunidad, kico ta pensa cu por yuda, vooral e parti di comunicacion, pa informa, cu por mehora esaki den SABA. E contacto entre famia y e grandinan mester keda. No mester laga e grandinan den isolacion. Semper nan tabata tey pa nos tur y awo nos no por laga nan nan so of tuma contacto cu nan mas. E yamada ta bay na SABA y tambe na e departamentonan concerni, pa por fabor, tene cuenta cu esaki. E famianan ta hopi preocupa y ta spera cu pronto por alcansa un solucion pa esaki.
