Famia Planea ta sinti cu ta importante pa informa e comunidad den temporada di carnaval

Jonathan Trinidad di Famia Planea tabata tey presente durante e conferencia di prensa di Departamento di Salubridad Publico y como coordinador, el a splica cu nan ta contento di ta forma parti di e campaña aki.

Esaki ta bay ta un temporada di Carnaval sumamente grandi, pero mas cu claro tambe, hustamente pa esaki ta importante pa por informa y educa nos comunidad, vooral riba e parti di sexualidad.

Famia planea ta traha den e area di sexualidad. Esaki ta nifica tambe cu ta traha no solamente riba e area di prevencion, pero tambe riba e area di duna guia, sosten, pero mas cu claro tambe informacion na comunidad, por medio di diferente manera.

Trinidad a splica cu e aña aki nan ta join e campaña aki, pa no solamente brinda informacion, sino tambe pa educa nos comunidad tocante sexualidad.

Dicon esaki ta importante

Famia Planea a bin ta traha tambe durante e ultimo añanan cu e metanan mundial pa desaroyo sostenibel y esaki ta haci e ora ey mas cla ainda kier sigui traha y aporta na un comunidad mas conciente.

Esaki ta trece cun’e cu no solamente ta traha riba e area di sexualidad, pero tambe mester keda corda cu sexualidad ta parti di e derechonan humano y esey ta haci cu no solamente e hoben, pero adultonan tin derecho pa por basicamente cuida nan curpa durante e temporada aki. Y loke ta hopi importante, pa nan sa kico ta nan derechonan y pa asina nan sa con nan por proteha nan curpa.

Un di e derechonan principal ta, ta pa bin na anticonceptivo y esey ta haci tambe unda cu Famia Planea ta drenta y hunga un rol tambe mas grandi.

Pa e temorada aki nan no solamente nan lo ta na scolnan pa duna informacion, pero tambe durante full e temporada, lo introduci y parti na diferente puntonan strategico, un condom pack. Esaki ta un pakete unda cu e persona, no solamente ta haya un condom for di Famia Planea, pero den e pakete aki tin e informacion corecto. Seis paso hopi importante unda cu e persona cu haci uso di e condom, sa tambe con pa por haci uso di esaki, dicon e ta importante, vooral kico  mester haci prome cu por us’e.

No ta djis un condom ta usa na e manera cu ta corda, pero basicamente e tin su pasonan, pa asina na final, manera cu a wordo treci p’adilanti, preveni un embaraso no planea, pero tambe proteha contra malesanan transmiti sexualmente.

Esakinan lo ta disponibel durante full e temporada. No solamente na Famia Planea, pero tambe na e diferente puntonan strategico cual lo wordo scogi mas p’adilanti.

Pa finalisa, di parti di Famia Planea, ta invita pueblo completo pa por join e campaña aki. Manera e campaña mes ta bisa “Mi escogencia tin consecuencia”, tanto positivo como negativo, purba tambe brasa esaki, brinda informacion na nos mucha, hobennan, vooral den e area di sexualidad, pa asina tambe por gosa di un temporada saludabel, pero tambe un temporada caminda cada un persona a sa di scoge desicionnan corecto, desicionnan positivo, cu na final e consecuencianan por ta positivo den e caso aki.

Esaki ta loke lo enfoca den e temporada aki, tambe aportando na un comunidad mas conciente, pero tambe na e campaña aki di Carnaval 65.