Famia de Cuba di Pos Chiquito ta hopi rabia cu loke a pasa cu nan famia mas o menos un siman pasa ora cu miembronan di Atraco Team a kibra porta cas drenta pa detene nan yiu muhe di 19 aña. Un yiu muhe kende, segun su mayornan, no tin nada di haber cu e casonan di atraco.


Segun Belkis de Cuba, tabata un dia rond di 4’or di madruga cu nan a lanta di susto di sonido duro den cas y hendenan cara tapa cu a drenta. “Nan a trata nos hopi bruto. A pone mi yiu homber di 14 aña na suela y a pone safety shoes na su cabes. Ami tabata drumi sin paña y nan no tabata kier a lagami bay bisti paña. Ora mi a drenta baño hasta e Polis kier a drenta cumi, pero mi no a permiti esaki.”

Famia ta denuncia detencion inhusto

Posted by 24ora on Saturday, October 12, 2019

Un dia rond di 4’or di madruga cu nan a lanta di susto di sonido duro den cas y hendenan cara tapa cu a drenta. “Nan a trata nos hopi bruto. A pone mi yiu homber di 14 aña na suela y a pone safety shoes na su cabes. Ami tabata drumi sin paña y nan no tabata kier a lagami bay bisti paña. Ora mi a drenta baño hasta e Polis kier a drenta cumi, pero mi no a permiti esaki.”

Su casa tabatin un storia similar y cu hasta nan a pone arma riba dje.

Loke nan ta corda cu e fiscal, nan ta kere esey ta su posicion, a puntra pa Jenny Geerman. Mesora nan a draai contesta cu esun cu ta biba ey ta Jennely de Cuba. “Esey mes,” tabata e contesta cu nan a ricibi.

Ademas di dos porta, un cama tambe a wordo kibra y cu awo ta riba blokki poni.

“Nos yiu no tin nada di haber cu e casonan di atraco. Nan a want’e sera 7 dia sin cu e tin algo di haber. Asina cu nan a detene e otro Jenny, mesora nan a laga mi yiu bay. Polis mes a trece cas.

Tanto Belkis como Rodolf Benito de Cuba ta exigi un disculpa publico di Ministerio Publico y a adverti cu e cos no ta keda te aki pasobra nan ta bay exigi pa nan paga gastonan pa drecha loke a wordo destrui y tambe daño y perhuicio pa a pone nan pasa den e trauma aki pa un detencion robez.

Comments

comments