A baha famia di Surnam di avion na Aruba pa sospecho di labamento di placa

Afpakteam a ser avisa na momento cu un famia completo tabata riba avion y no por a sigui nan vuelo. Cinco detencion entrenan un mucha y cuater adulto. E adultonan ta dos pareha. E famia aki a yega Aruba procedente di Merca riba e vuelo cu ta sigui pa Surinam mesun dia.

Nan a yega diamars, pero a keda Aruba pasobra e avion tabata tin problema. Diaranson atardi a keda di sigui ora cu a regla e avion pa Surinam. Ora cu nan a check-in algo a sosode cu a pone autoridad activa.

Grensbewaking na aeropuerto mesora a ser avisa. Den e proceso a activa Afpakteam tambe pasobra e tin di haber cu asinto di placa of labamento di placa. A pidi presencia di dos dogcatcher, unda a hiba un pareha su so y e otro pareha cu yiunan so. Kisas si e avion no a daña na Aruba diamars, nan por a sigui nan caminda sin problema.

E solo hecho cu nan a keda Aruba y algo a bay robes na momento cu nan a bay check-in. Eynan un cos a “redflag” den e sistema of a haya nan cu basta placa cu a conduci na detencion.

Nan maleta tabata den avion caba y mester a baha tur. Mucho detaye extra no por a haya, pero e homber mes a medio menciona asunto di placa y esey nifica sospecho di labamento cual a activa Afpakteam. A hiba nan Wayaca unda eynan e recherchenan lo interoga nan y pone tur declaracion riba papel.