Famia di cuater herida incluyendo un hoben: UTV a bolter na Matividiri

2860

Un famia di cuater a hayanan envolvi den un accidente basta serio band’i Natural Bridge na momento cu e UTV cu nan tabata aden a bolter.

Prome informe cu a haya tabata indica cu tin hende pega den e UTV y cu esaki lo tabata na candela. Momento cu a yega sitio a tuma nota cu no tabata asina. Berdad cu e UTV a bolter y cu un dado momento e ocupantenan tabata pega, pero a logra sali for di esaki. Esaki a sosode den careda di 12:30PM riba caminda di Matividiri.

Informacion cu a complia na sitio tabata indica cu, riba e caminda di Matividiri, un UTV biniendo for di Natural Bridge, a tuma e lorada cu tabata bayendo abou cu velocidad halto, cu a causa cu el a baha for di caminda. Segun testigo, nan a wak con e vehiculo cu un señora na stuur mas tres hoben den e vehiculo a bay laira y a bolter.

Famia di cuater herida incluyendo un hoben: UTV a bolter na Matividiri

Famia di cuater herida incluyendo un hoben: UTV a bolter na Matividiri

Posted by 24ora on Sunday, November 29, 2020

Na sitio, polis a posesiona nan auto di tal forma cu demas trafico por wak cu nan tin di baha velocidad, mientras e personal di ambulance tabata atende cu e diferente victima. Un hoben femenino tabata tin un kap na su cabes y un señora tabata keha di dolor na su schouder. Polis a tuma tur declaracion di esnan presente y victimanan a haya trato medico den ambulance.