Famia descubri bibando nuebe aña den isolacion sperando fin di mundo

6375

Awe a descubri un famia kende a pasa nuebe aña bibando den sotano “sperando fin di mundo”. Polis a descubri e caso aki ora cu un miembro di e famia a aparece na un bar local, tur desorienta.


Un homber di 58 aña y su famia di cinco hoben di 18 pa 25 aña tabata bibando den un rancho den e provincia di Drenthe. A descubri ora cu e yiu di mas grandi a pidi un cerbes na un bar local den un pueblo cerca, Ruinerworld. Despues el a bisa e trahadonan cu e mester di ayudo. E homber di edad, kende a wordo aresta, a pensa inicialmente cu e ta tata, pero e alcalde Roger de Groot mas despues a bisa reporteronan cu esey no ta e caso. E no ta doño di e rancho tampoco, de Groot a bisa, agregando: “Nunca mi a yega di mira algo parecido.”

E canal di television publico a bisa cu e famia ta bibando den isolacion sperando fin di siman. Informenan no confirma ta menciona cu e tata di e muchanan ta entre e mortonan.
E caso aki a cuminsa lora ora cu un di e rumannan a yega na e bar di Chris Westerbeek y a ordena cinco cerbes y a bebe esakinan. “Despues mi a combersa un rato cun’e y el a revela cu el a huy y mester di ayudo … despues nos a yama Polis.”

Famia descubri bibando nuebe aña den isolacion sperando fin di mundo

Famia descubri bibando nuebe aña den isolacion sperando fin di mundo.Click link pa mas https://24ora.news/31mfaDf

Posted by 24ora on Tuesday, October 15, 2019

El a agrega cu “e tabatin cabey largo, barba sushi, tin paña bieu bisti y tabata mustra confuso. El a bisa cu nunca el a bay scol y no a bay un barbero den nuebe aña.”
“El a bisa cu e tin rumannan muhe y homber cu ta biba na e rancho. El a bisa cu e tabata esun mas grandi y tabata kier a pone un fin na e forma con ta biba.”
Polisnan a bishita e rancho aleha y a cuminsa haci un investigacion. Nan a descubri un trapi scondi tras di un porta di sala cu ta conduci na e sotano unda henter e famia tabata biba.

Ruinerworld ta un pueblo cu un poblacion di menos cu 3000 persona. E rancho en cuestion ta keda pafo di e pueblo y ta accesibel via di un brug cu ta pasa riba un canal.
E rancho cu ta parcialmente scondi tras di algun mata, tambe tin un area grandi pa agricultura y cria di cabrito. Un bisiña a conta prensa Hulandes cu el a yega di mira solamente un homber na e rancho, ningun mucha, y cu tabatin animalnan manera cabrito y cacho. E cartero a bisa cu nunca el a entrega un carta eynan. Polis na Drenthe a confirma cu e homber di 58 aña a keda aresta y ta bou di investigacion despues di a nenga di coopera cu Polis.