Falta splicacion di Minister di Enseñansa con e ta yega na su desicionnan

i10 Sedan
PPG Super Descuento
RBC Mortgage Switch Campaign 2019
SETAR 3GB Free Data den February

Aña a habri cu varios tema den enseñansa cu ta merece mas splicacion. Hopi ta esunnan cu ta tende den media anuncio di desicionnan cu Gobierno ta tuma, den e caso aki Minister di Enseñansa, pero ta keda cu pregunta di cual ta e motibo of plannan cu lo tin.

Fabulous Carnival
Cambia, Spaar y Gana

Jennifer Arends-Reyes, miembro di Parlamento pa Fraccion di AVP a haci un peticion na Presidente di Parlamento si por yama un ‘vragen uur’ pa e Minister por bin Parlamento y contesta algun pregunta. Durante tratamento di presupuesto 2019 varios Parlamentario a menciona cu no ta ricibi contesta por escrito di nan preguntanan of ta tarda demasiado pa ricibi contesta. Ta imperativo pa Parlamento ricibi informacion di desicionnan tuma den gobierno y na un manera respetuoso. No mescos cu a pasa durante tratamento di presupuesto cu tur pregunta cu a haci a wordo contesta na un manera sarcastico cu ta yega bek si ta sostene legalisacion di marihuana bo lo tin chens di ricibi un contesta y si no dobla warda pa ricibi un contesta na un manera aceptabel. Esaki sigur no ta un actitud profesional ni riba nivel pa nos Parlamento.

Den e carta cu ta pidi un reunion cu Minister lo ta desea informacion tocante e status di inscripcionnan y capacidad di alumno pa scolnan tanto publico como Catolico mirando cu mayornan ta cuminsa puntra ta kico lo haci si nan yiu no haya scol. E ta un topico cu tur aña ta bin dilanti pero e aña ki e ta mustra cu e cantidad ta mas hopi. Den planning mester a percura pa mas scol y mas personal pero mester wak kico ta e planning di e Minister di Enseñansa actual pa cu plaatsing di e alumnonan. E no ta bay pa tin un limite den klasnan, esey ta comprendibel, e ta bay pa tin un bista ta cuanto y kico ta haci cu e alumnonan local of alumnonan cu of sin permiso cu ta bibando na Aruba cu tin derecho riba Enseñansa y ta cay for di e lista cu no ta haya scol. Tambe ta puntra Minister si e por duna informacion tocante e status di construccion di Colegio Frère Bonifacius, cu no tin mucho movecion grandi na e sitio. Tambe ta puntra Minister tocante airco pa scolnan, cu ta un topico cu sigur ta positivo y cu e coalicion a campaña fuerte cun’e. Kier sa cuanto su Ministerio a percura p’e y si tin mas Ministerio ta yudando cu airco pa scolnan, cual Ministerio y cuanto a aloca pa airco den 2019 y e motibo pakico no ta centralisa e tema di airco. Mirando cu ta inversionnan cu por yega 200 mil cada biaha. Mirando cu airco ta necesario y e ta bay man den man cu uzo di coriente, e lo ta bon pa bin atrobe riba e tema di solar panels hunto cu e airconan pa haci’e mas sostenibel y pa e scolnan no mester limita ora di uzo na airco pa warda te 9:00 di mainta pa cende nan, manera algun scol ta haciendo pa scapa costo. Tambe a puntra tocante e desaroyonan na Scol pa Ofishi, cu e ta e unico scol secundario special cu desde schooljaar 2014-2015 Gobierno a tuma SPO over di SEPB. Den un articulo den corant ta papia tocante di derecho di subsidio y cu lo kita esaki den caso cu no fuseer e localidadnan di Santa Cruz y Savaneta. Ta puntra Minister con e la yega na e conclusion cu e scolnan lo tin menos cu 100 alumno siendo cu na e momentonan aki nan tin casi 300 alumno. Fuera di esaki a comprende cu nunca e intencion tabata pa merge e dos “dependance” nan aki y tin varios scol specialisa cu ta ricibi subsidio y no tin 100 alumno manera cluster 4, of scolnan cu tin un religion specifico kiermen net e argumento aki, despues cu gobierno a tuma SPO awor no mag deshered’e, asins Jennifer Arends- Reyes a termina bisando.

Comments

comments

Island Finance – Carnaval