Tur cos ta practicamente cla pa “El Mas Querido Tour” di e gran artista Mexicano Marco Antonio Solis.
Inicialmente e concierto di e artista di renombre mundial tabata programa pa tuma luga den Entertainment Center, sinembargo e demanda grandi a pone cu a move esaki pa Harbour Arena.
Esaki ta un area cu ta bira conoci caba pa conciertonan grandi, mirando e espacio cu tin disponibel.
Marco Antonio Solis a bishita Aruba como turista y esaki ta prome biaha cu e ta na Aruba como artista den un concierto. E ta un experiencia unico di bida pa nos hendenan local. Recientemente tabatin un concierto na Miami cu tabata un exito completo. Loke ta remarcabel ta cu e lo ta actuando cu su dos yiu muhenan.
Tin diferente seccion di VIP, y diferente otro seccion. Tur e entradanan pa e diferente seccionnan ta regula. Pa e entrada regular di 175 florin, niun hende mester bini cu su stoel ya cu aki den tambe tin stul. Pues por sinta mira e concierto aki. Tin hopi interes pa e concierto y tin varios charter cu ta yega diasabra y diadomingo for di paisnan bisiña.
E oficina na Renaissance Marketplace ta habri for di 9’or di mainta te cu 7’or di anochi.
