Dialuna den oranan di atardi ta sosode pa di dos biaha den menos cu un siman, un accidente na e crusada pariba di Stadion na Dakota.
Rond di 5’or di atardi ta drenta melding di un accidente basta serio riba Avenida Milio Croes, na e crusada grandi. Un Nissan Cube coriendo riba Avenido Milo Croes, bayendo direccion di aeropuerto, na e crusada grandi mester a bira pa bay banda robez, pero no a paga tino riba trafico contrario.
Pa e auto maneha pa un dama no dal den e Nissan Cube, el a bay hala pe. Pa su mala suerte el a dal den e Hyundai Santa Fe cu tabata patras di dje. E dama den e Hyundai Santa Fe ta keha di dolor di nek y lomba. No tabata tin herido grandi pero si daño material considerable.
