Riba 15 i 16 di mart Curaçao Cares, huntu ku Oranje Fonds, ta organisá CURA DOET, e akshon boluntario kaminda tur persona, grupo i kompania por duna un man, un òf dos dia komo boluntario na mas ku 300 proyekto rònt Kòrsou.
E aña aki ta e di 6 edishon i en total ta buska mas ku 6.500 boluntario pa yuda e proyektonan. Por inskribí ainda i e ta fasil, bo mes por skohe bo proyekto riba di www.curadoet.com.
Durante e dianan aki nos ke stimulá un i tur pa inskribí,sea komo individual òf grupo. Faltando algun dia ainda tin lugá pa basta boluntario na diferente organisashon p’asina e trabounan por kana manera deseá. Diferente kas i grupo di grandi, manera Fundashon Kas di Grandi Berroa i Grupo Herensia Grandinan Aktivo ta probechá di e dia pa dal un paseo ku nan grandinan ku no tur ora ta haña oportunidat di sali i disfruta òf ta organisá un mainta plasentero manera Grupo di Grandinan Triumfante.
Skolnan manera Kolegio Sta. Clara i Kolegio Sur Herman Joseph ta hasi uso di e oportunidat pa drecha plenchi, organisá sala di kompiuter òf pa pinta mural inspirativo pa alumnonan. Un último yamada pa komunidat kompletu pa huntu nos por logra duna Kòrsou e yudansa sonrisa? ku e meresé. Por tuma kontakto na [email protected]òf na 788-1952 pa mas informashon òf yudansa pa inskribí. Bishitá www.curadoet.com pa tira un bista riba tur proyekto.
