E situacion di uzo di droga na scol ta serio. Segun Rulienne Arends di FADA, nan ta haya informacion di Consultorio pa Asuntonan di Adiccion (CAA), kendenan ta haci e parti di drugtest y duna guia na e mucha y hobennan di scol. For di nan ta haya cifra for di 2018, e cantidad di hoben cu nan ta bezig ta guia, e scolnan cu ta tuma contacto cu nan pa por ehempel drugtest.

Tin di bisa cu e edadnan ta relativamente hopi hoben. For di 12 aña y hasta mas jong cu esey, tin e uzo no solamente di marihuana, pero di otro substancianan tambe, manera cocaina.

Tabata tin un hoben cu a bay CAA pa e por a haya yudansa pa esey. No ta solamente pa informacion di docente, informacion di studiantenan cu nan mes ta pidi, pero tambe e parti di guia cu CAA ta ofreciendo. Pero FADA ta haya dato for di tur parti, y ta haci uzo di esaki pa traha e programanan.

FADA: Muchanan di edad relativamente hoben ta haci uzo di droga

FADA: Muchanan di edad relativamente hoben ta haci uzo di droga. Click link pa mas https://24ora.tv/2mro5VR

Posted by 24ora on Monday, September 30, 2019

Rehabilitacion?

Arends a sigui splica cu nan tin diferente strategia cu nan ta uza cu e hobennan. Hopi biaha no por bisa e hobennan no bay haci’e, pasobra e realidad ta cu e ora ta manda e hobennan haci algo. Ta para riba e parti di e riesgonan cu e uzo di cualkier substancia tin riba nan, kico ta e consecuencianan, no solamente aworaki, a corto plaso, pero a largo plaso tambe.

Tin momentonan cu ta bay tambe cu personanan cu ta riba e caminda pa recupera, pero ta bezig ta struggle pa recupera, unda cu e hobennan por toch mira e realidad tambe. No solamente loke FADA ta presenta na nan, pero mira e realidad.

Tin di bisa cu e no ta algo facil si. Tin ora ta haya e hobennan cu kier cambia pero sea e ambiente unda cu nan ta biba no ta esun kisas mas miho y por ta nan kier e ayudo, pero ora cu nan yega bek na cas, nan ta bolbe topa cu e mesun droga of e mesun problemanan cu nan tabata tin anteriormente.

Facil e no ta, segun Arends, pero ta keda purba y loke ta CAA, nan tambe ta keda purba cu e hobennan. Tin di bisa cu mayoria hoben cu si ta haya guia, for di CAA ta keda nechi riba e caminda y tin semper algun pa cualkier motibo ta cay bek. Pero nan ta haya bek e guia for di CAA. 

Comments

comments