FADA lo bay tin un actividad. Rulienne Arends, trahado preventivo di Fundacion Anti-Droga Aruba, a splica cu dia 28 di November, cual ta otro siman diaranson, lo bay tin un Christmas Charity Concert.
Nan ta bezig cu un actividad pa recauda fondo, pa loke ta e campaña di #AmigoDidi, cual no ta un campaña desconoci.
E campaña di Don’t Drink & Drive, unda cu hunto cu Fundacion Zinia, ta bezig ta recauda fondo pa asina por prepara pa loke ta temporada di Carnaval.
Dia 28 di November, riba Freewinds, lo bay tin un concierto cu diferente artista di Aruba, unda cu ta bay tin Edjean Semeleer, kende a hinca e concierto practicamente den otro.
Su ruman Jeanedy tambe lo tey y tambe lo tin Roderick Franken y pa cera e anochi, lo bay tin Las Unicas, cu tambe lo presenta.
Pa loke ta e solistanan, segun cu tin di compronde, e solistanan lo ta preparando hunto cu e Freewinds Band.
Entrada ta 50 florin y tur esaki ta bay pa e campaña di #AmigoDidi.
E concierto mes lo cuminsa pa 8’or di anochi. Ya por cuminsa subi abordo for di 7’or y mey. Ainda tin algun carchi obtenibel. Pa esakinan por tuma contacto cu FADA mes, na telefon 5832999. Lo por hasta haci entrega di e carchi, pues ta deliver.
Tin carchi ainda na Citgo Essoville, Gallo Rojo y Citgo Boulevard. Tur eynan por haya carchi y tur cos ta bay pa e campaña.
Importancia
Segun Arends, pa loke ta trata FADA y Fundacion Zinia, hunto nan tin loke ta #AmigoDidi, unda cu sa cu hopi biaha tin cu purba di recauda fondo, pa asina por sigui cu diferente campaña.
Naturalmente FADA y Fundacion Zinia, tin su propio proyectonan tambe. Awor aki cu fundacion Zinia ta join FADA pa loke ta e campaña aki, kier crea algo un tiki diferente.
#AmigoDidi mes ta cumpliendo 3 aña caba cu tin’e. Kier cuminsa pa AmigoDidi wordo reconoci apart tambe. P’esey kier pa comunidad duna di nan banda, pa asina por yuda FADA tambe. Ta hopi importante, pasobra di un forma of otro, semper tin un hende den comunidad cu pa motibo di core auto bao di influencia, a haya nan mes cu sea por ta un famia, un amigo, un conoce, a haya accidente, unda cu por ta nan a keda na bida, pero nan no a keda bon, of lamentablemente nan a perde nan ser keri, door di esaki.
Si comunidad por a yuda recauda fondo pa asina por sigui cu e campaña, por mira cu e sosten tey e ora pa loke ta e comunidad di Aruba, segun Arends.
