Usuarionan di Facebook lo tin e oportunidad di desactiva e propagandanan politico, asina director Mark Zuckerberg a anuncia den un articulo den USA Today. Propagandanan politico ya no ta aparece den newsfeed di usuarionan. E funcion lo ta disponibel pa tur usuario na Merca den e proximo simannan.
Den Herfst, e funcion tambe lo yega e otro paisnan, asina Facebook a informa CNBC. E canal di noticia a indica ademas cu e funcion tambe lo ta disponibel riba Instagram.
Facebook ta bao di presion pa haci e propagandanan politico mas transparente y evita noticianan falso. Despues di e eleccionnan presidencial di 2016 na Merca, a descubri cu e red social tabata uzando ampliamente pa influencia opinion publico. Desde e tempo ey, Facebook a haci anuncionan publico di partidonan politico, politico y asuntonan social, manera cambio climatico y refugiadonan.
Sin embargo, e compania ta bao di atake pasobra a permiti politiconan pa difundi falsedadnan atrabes di e anuncionan aki. Facebook no ta subi e propagandanan si un verificador di hecho independiente conclui cu e mensahe ta engañoso, algo cu ta sosode cu anuncionan no politico. E compania lo elimina e mensahenan cu ta claramente den contra di e reglanan di Facebook.
Zuckerberg ta reitera den su articulo den USA Today, cu e politiconan solamente por ta responsabel si loke nan bisa ta visibel. Tambe el a referi na un mensahe controversial di Donald Trump.
“Ora cu e sakeo a cuminsa, e tiroteo a cuminsa,” asina Presidente di Merca a skirbi como contesta na e situacion problematico despues di e morto di George Floyd. Facebook a dicidi di no publica e mensahe, mientras cu Twitter a publica e mesun mensahe riba su plataforma.
