E publico grandi cu tabata presente na e concierto di Marko Antonio Solis diadomingo anochi a pasa un anochi fabuloso.
E artista aki di cancionnan manera “Si no te hubieras ido” y “o me voy o te vas tu” a deleita e publico for di momento cu el a subi escenario pa 9.30 di anochi y a sigui canta te cu 11.20. Pues dos ora exacto di un show di taya internacional.
E publico a biba cu cada cancion di e artista y e tabata un locura cada biaha cu e artista menciona nomber di Aruba den su expresion of durante cu e tabata presenta un cantica. El a presenta un cancion cu su dos yiu muhenan tambe.
Promotornan ta hopi satisfecho cu e tremendo acogida di Marco Antonio Solis, unda cu ni e awa cu a cay un rato no a strob’e di sigui cu su presentacion.
