Ezzard Cilie: Imsan y Hospital tin un forma di cooperacion

Director di Hospital, Ezzard Cilie a crusa brug pero tur cos tin di haber cu salud di e pueblo. El a conta riba su impresion di e inicio di e proyecto di Radiografia cu kisas hospital lo tin un rol pa hunga.

El a splica cu nan tin basta tempo ta combersa, ta discuti cu Imsan caba y no ta asina cu ta purba di tene un distincion entre hospital y Imsan. E intension ta y tin palabracion di esey caba cu lo tin un cooperacion mas estrecho entre e dos entidadnan, den cual tin varios cos cu por a mira cu ta palabracionnan entre e dosnan cu a wordo haci.

Ta kere den e desaroyo di Imsan y lo sostene nan den tur forma. Pasobra na fin di dia ta papia di salud pa e poblacion di Aruba. No ta bay kico hospital kier of kico Imsan kier. For di e punto di salida eynan cu ta traha pa e comunidad. Cilie ta hopi contento pa mira con leu Imsan a yega cu a logra cera nan acuerdonan y awor aki nan ta bay tuma un paso hopi grandi, direccion futuro cu hospital tambe mester bay traha cu nan. No tin opcion den e sentido ey. Ta un inversion grandi, pero ta trata di un cooperacion di hospital tambe cu Imsan. Ta bay cabes cabes cu otro. E lo bira dos entidad cu un meta, cual ta salud di pueblo di Aruba.

 

Cooperacion mutuo

Cilie a conta cu no tin ehempel pa bisa cu nan no ta traha cu otro. Si ta riba tereno di radiologia, tereno di emergencia, tereno di cooperacion, con ta yuda cu mediconan. Cu tin un forma di cooperacion cu otro si. Awor aki e momento ta mucho mas apto pasobra mester a duna Imsan e oportunidad y espacio pa nan por negosha nan contractonan pa e yega caminda cu el a yega awe.

Awor aki e combersacionnan ta bin na turno atrobe pa sigui duna contenido ki coopecion lo bay bin. Hopi hende no sa, pero tin nefrologonan den dienst. Tin tres na hospital y dos na Imsan, nan cinco ta percura pa e pashentnan riba e isla. Asina kier bay den e specialismonan. Kico Imsan ta provee y kico hospital ta provee y na cierto nivel ta haci’e conhuntamente. Bo por spera pronto cu lo bay haya un centro di dokternan di wowo. Ta haya cu ta Imsan mester desaroya cu e specialismo aki, laga Imsan bira e centro di dokternan di wowo. Hospital lo bay sostene nan den dje.