Extra siguridad pa entiero di hoben asesina na Pos Chikito

3650

E entiero di e hoben asesina na Pos Chikito a tuma luga diabierna atardi. For di funeraria na San Nicolas e entiero a sali despues di e despedida.

Autoridad tabata tey cu diferente team special pa asina garantiza e seguridad necesario. Te ainda no tin detencion den e caso di asesinato. Parce tin mas hoben envolvi den e caso di tiramento. Prome cu e entiero varios biaha den siman bisiñanan a yama pasobra sea a scucha tiro of tin aglomeracion.

Na entiero diabierna tabata tin Polisnan uniforma y Polisnan den auto particular special pa vigila tur cos for di distancia. Polisnan entre otro tabata tin chaleco antibala. Autoridad ta conciente cu tin arma entre e gruponan rival di otro y tin cuenta cu ainda mester wordo regla pa motibo di e asesinato.

Polis tabata presente for di Funeraria te cu Santana. Logicamente lo a keda atento tambe pa e area di Pos Chikito y Sabana Basora despues di entiero.