Expresion di “Bula su cabes” awe den Parlamento

Parlamentario Edgard Vrolijk di e Fraccion di MEP awe, durante tratamento di e reunion di LAFT, pa regla supervision financiero di Hulanda riba Gobierno di Aruba, tabata hopi fuerte den su disertacion. Suficiente cu a haci expresion di “bula cabes di Minister” si acaso e mandatario, referiendo na Minister di Finansa, Asuntonan Economico y Cultura, mr. Xiomara Ruiz-Maduro.

Mester menciona cu e reunion awe den Parlamento, cu a cuminsa for di mainta, parce di lo conoce varios momentonan culminante. Ta trata aki di e ley di supervision financiero di Hulanda riba Gobierno di Aruba, acorda entre Gabinete Wever-Croes y Gobierno di Hulanda mes. Pero ta parce awo cu Conseho di Minister no por convence su mesun Fraccion den Parlamento, cu awor kier presenta un amienda pa cambia e ley. Dicho cambio lo por hinca Gobierno di Aruba den problema serio cu Hulanda.

Minister mr. Xiomara Ruiz durante ultimo eleccion a crece y a logra 2696 voto, un record personal pe. E ta e di dos cu mas voto den MEP. Edgard Vrolijk, un docente, a subi lista di MEP y a logra 749 voto, e di 10 cu mas voto riba e lista di 29 candidato.

Sinembargo e desaroyo aki tin bastante simannan caba andando y liderazgo di MEP a haya suficiente tempo pa soluciona nan problemanan interno. Criticonan ta convenci cu esaki ta un wega politico interno di partido contra Hulanda y cu VNO ta siguiendo e desaroyo aki di cerca. Con Hulanda lo acepta e asunto aki ainda no ta conoci.

Parlamentario di MEP dispuesto pa bula cabes di Minister si no cumpli cu amienda di LAFT

Reunion publico awe den Parlamento relaciona cu ley di supervision financiero di Hulanda conociendo varios momento crucial. Parlamentario Edgard Vrolijk dado momento a papia un idioma di "corta cabes" ora ta referi na Minister Xiomara Maduro di Finansa, Asuntonan Economico y Cultura.

Posted by 24ora on Thursday, June 6, 2019