Diamars atardi a tuma luga un evento caminda cu exportadornan di Colombia a bin cu nan productonan agricola y den un tipo di exposicion den Renaissance Convention Center, a mustra esaki na e importadornan local, como tambe na Horeca, supermercadonan y e publico en general.
E idea di ProColombia pa Caribe ta pa presenta e mercado e diverso productonan cu tin tanto den procesa como imprimi. Segun director Enrique Stellabatti Colombia ta un pais, danki na su diversidad y clima na su cinco pisonan termico, ta conta cu 365 dia di produccion di productonan agricola y e capacidad haltisimo pa exporta tur caminda, cu bentahanan grandi di tin calidad di producto y e experiencia di exportacion.
Na e momentonan aki nan ta cu 18 exportador di diferente tipo di producto, manera berdura, boonchi y panaderia, cu e animo pa conoce distribuidor, importador, supermercado cu por ta interesa den presenta e producto na e publico na Aruba.Segun Stellabatti tur e exportadornan tin experiencia y cu hopi gana pa conoce e importadornan di Aruba. Ta kere cu e auge cu e turismo ta un gran oportunidad pa presenta e productonan. No solamente fresco, pero pero hopi lihe pa e canal di hoteleria y tambe Horeca.
E director di ProColombia a splica cu nan ta entregando producto entre 10 y 15 dia for di Colombia, saliendo for di e costa Atlantico. Esnan cu a presenta den e expo ta exportadornan altamente capas, hendenan cu tin hopi experiencia y cu productonan cu ta bay sigur ta bastante bon riba mercado.
