Explosion y candela den cushina na Parkietenbos

2044

Banda di 12’or y mey di diamars merdia, brandweer y ambulance a wordo manda direccion Parkietenbos na un adres unda algo a bay robes den cushina.

Segun informe na e sitio e afzuigkap lo mester a pega na candela y esaki a causa basta huma. Un habitante probablemente a purba di sea kita e afzuigkap of trata di paga e candela y den esey a kima su man.

Cushina a sufri daño y cuater persona herida

Posted by 24ora on Tuesday, June 2, 2020

Den total un 4 persona a resulta herida, entre nan 2 menor di edad, unda tur a inhala basta huma di e candela.

Paramediconan di dos ambulance a duna nan prome auxilio y despues a hiba nan pa Dr. Horacio Oduber Hospital pa asina nan haya tratamento medico mas avansa.

Presente na e sitio tambe tabata slachtofferhulp cu lo a bay Hospital nan tras pa asina brinda nan ayudo na esnan afecta pa e candela.