Diamars anochi polis a presenta cu urgencia den Wabistraat na Ponton. Aki ta caminda cu tabatin un explosion ora cu habitante di cas a bay cende stof. Man di e habitante tabatin completamente inflama pa cual a pidi pa ambulance presenta mesora n’e cas.
E cas unda e explosion a sosode ta Wabistraat 6. Despues di e explosion, un persona den e area a yuda door di core cera e boter di gas. Pa siguridad, brandweer a presenta pa check un cu e otro.
E polisnan den cas ainda tabata haya holor di gas. E bomberonan a controla rond pero no tabatin ningun señal di peliger. E habitante di cas ta sospecha cu e señora cu ta haci cas limpi, no a cera e conopi di stof bon. Ambulance a controla e victima na sitio, pero na final no tabata necesario pa hib’e hospital.
