Stichting BOB Aruba kier agradeci tur nos participantenan di e “Walk for the Cure” cu a tuma lugar den e ruta di Anker na Sanicolaas riba diasabra 12 di october cu a cuminsa pa 7or di anochi y a termina pa 9or di anochi. E caminata aki a luci cu tur particpante den nan shirt ros uniforma asina aportando y treciendo concientisacion riba tema di cancer di pecho.
Stichting BOB Aruba a motiva comunidad pa pasa un tempo agradabel den famia y na mes momento disfrutando di e naturalesa cu Aruba tin di brinda nos y mas ainda sacado potret na Anker como recuerdo. Nos por bisa cu e caminata tabata sumamente exitoso y kier gradici un y tur cu a forma parti di e caminata.
Ta gradici CIBC FirstCaribbean International bank pa organisa e caminata aki. Uni den e mesun metanan: Consientisa e comunidad di e importancia di participa na e programa di screening di pecho cada 2 aña cerca Stichting BOB Aruba. E screeningsprograma aki ta yuda detecta iregularidadnan den pecho mas tempran posibel. Un mamogram na tempo por salba bo bida.
Na mes momento organisando e caminata aki pa por recauda fondo. Fondonan cu ta sumamente necesario pa Stichting BOB Aruba por keda duna e hende muhernan di Aruba, entre 45 aña cu 75 aña di edad- e miho servicio possibel, pa traha mas riba e proyectonan di awareness y pa e mantenemento di nos mashinan.
Stichting BOB Aruba ta hopi contento cu e cooperacion hunto cu CIBC FirstCaribbean International Bank, Polis, Rode Kruis, Prensa y tur voluntario nan. Mas cu claro nos ta sumamente contento con tur e participantenan a cuida nos medio ambiente manera a wordo enfatisa durante henter e temporada di promocion. Pa keda informa tocante nos actividadnan please sigi nos riba nos Facebookpage: Stichting BOB Aruba. Pa mas informacion tocante nos projectonan, evenementonan y servicionan por tambe yama number di tel 588 1212.
