Ayera Aruba Amateur Weightlifting Association a tene nan “Tryout Series 2” di hisamento di peso, pa test si e atletanan ta den bon condicion y tambe pa evalua si nan a progresa den e deporte di pesas. E competencia a tuma luga den Theo Bareño Gym den Compleho Deportivo Frans Figaroa na Noord.
Den e Tryout Series 2 aki tabatin participacion di atletanan di TNT Gym, Eximious Barbell Club y Paradise Strength Aruba. Tur e tres club tabatin atletanan masculino y femenino. Den un bon ambiente y bon anima pa e atletanan y invitadonan a start e competencia pa 10:00am cu e grupo di femenino sigui pa e atletanan masculino.
Resultado den categoria femenino y masculino:
Den categoria hubenil 59kg Carol Tavarez di 13 aña a hisa pa prome biaha y a logra den snatch 20kg y den clean & jerk 25kg pa un total di 46kg. Den futuro lo mira e atleta hoben aki competi den mas evento.
Den categoria di 59kg Mirlaine de Cuba a logra den snatch 58kg, clean & jerk 80kg pa un total di 128kg a termina na di prome luga.
Den categoria di 71kg Tanisha Hodgson a snatch 50kg, clean & jerk 60 pa un total di 110kg tambe a logra prome luga.
Den categoria di 76kg tabatin dos atleta na prome luga, Nathaly Geerman a hisa den snatch 70kg, clean & jerk 106kg pa un total di 176kg y na di dos luga Nicole Dijkhoff cu a logra den snatch 65kg, clean & jerk 85kg pa un total di 150kg. Por ultimo den categoria di 87kg Rudselyne de Kort ta logra den snatch 78kg, clean & jerk 100kg pa un total di 178kg ta logra prome luga.
Den masculino Youth Travor Faro di apenas 13 aña ta hisa den snatch 28kg, clean & jerk 38kg pa un total 66kg a termina na prome luga. Den categoria di 81kg tabatin 5 atleta esun cu a pone total mas halto a bay na prome luga, esta Yunez Guzman, cu a logra snatch # 105kg, clean & jerk 130kg pa un total di 235kg, di dos luga a bay pa Jeremy Dijkhoff cu a snatch 90kg, clean & jerk 115kg pa un total di 205kg. Na di tres luga a keda Jonathan Bocanegro cu a hisa den snatch 76kg, clean & jerk 100kg y a logra un total di 176kg, na di cuater luga a resulta Kevin Cayama cu a snatch 73kg, clean & jerk 100kg pa un total di 173kg y na di cinco luga a keda Dylan Croes den su snatch a hisa 70kg, clean & jerk 95kg pa un total di 165kg.
Den categoria di 89kg tabatin 4 atleta. Esun cu e total mas halto a bay na prome luga, cu a resulta Laertes Araque cu a logra den snatch 95kg, clean & jerk 135kg pa un total di 230kg sigui na di dos luga pa Americo Thijzen cu a hisa den snatch 95kg, clean & jerk 125kg pa un total di 220kg. Na di tres lugar a keda Jean Pierre van der Lak cu a logra den snatch 97kg, clean & jerk 120kg pa un total di 217kg y di cuater luga a bay pa Rodney Marugg cu a snatch 95kg, clean & jerk 120kg pa un total di 215kg.
Por ultimo, den categoria di mas di 109kg, a haya Jason Li cu a logra den snatch 100kg, clean & jerk 120kg pa un total di 220kg a keda na prome luga.
Aruba Amateur Weightlifting Association ta manda palabra di pabien na tur atleta cu a logra kibra nan record personal y na esunnan cu a participa pa prome biaha den e Tryout Series 2. Ta gradici Eximious Barbell Club, Paradise Strength Aruba y TNT Gym pa nan participacion, entrenadornan, referee’s y tambe tur e boluntarionan cu a yuda den e Tryout Series 2 aki.
