Exitoso Softball camp na san nicolas

226

Dianan 28 y 29 di Juli 2020 HOPEX (Help Our People Excel) hunto cu Little League Softball Aruba y e crew di The Freewinds a organisa un camp di softball pa hobenan di 6 pa 12 anja.

E nomber the Way to Happiness Softball Vacation Softball camp a bin di e trabounan cu ami, Carmelita Haynes, ta hacienda repartiendo e buki THE WAY TO HAPPINESS den nos comunidad. E versión pa mucha di e bukinan aki ta “HOW TO MAKE GOOD CHOICES.”          

E meta principal di e camp tawata  pa nos muchanan no solamente siña e skills di e deporte di softball en general pero tambe pa nan siña skills di bida. E directiva di HOPEX y LLSA a scohe pa e forma di traha aki pa saka lo mihor di nos muchanan. En principio e camp tawata pa mucha muher so pero nos a logra forma un grupo di mucha hombre pa participa. Danki na e cooperación di FFD nos a haya uso di Joe Laveist pa e camp aki.

 Nos a scohe 3 capitulo di e buki HOW TO MAKE GOOD CHOICES pa trata cu e muchanan:

  1. Cuida bo mes (Covid-19)
  2. Duna un bon ehempel
  3. Sea competente: ( observa, siña y practica)

Nos a incorpora e mini-seminario aki den e schedule di e camp.

E skills di softball cu a wordo duna ta: fildeo, bunt, bateo, flyballs, pitching, catching and running. E camp tawata uno basico y e muchanan a goza un mundo e dos dianan aki.

E hobenan di e equipo di softball EAGLES  tawata e lidernan di e gruponan cu mester a dirigi y instruí e participantenan di nan grupo den tur e skills menciona. Nan a hasi un tremendo trabou. E participantenan a demostra respet pa nan trabou, nan a participa 100% y sigui nan instruccionan. Nos a scohe e lidernan hoben aki pa duna nan e oportunidad di siña con pa ta un bon líder. Nan a wordo instruí prome cu e camp con pa atende cu e muchanan y con pa demostra e skills na e muchanan. Tambe con nan mester a coregi e muchanan. Pa cualquier problema nos tawata tin 5 adulto p ayuda si por si acaso tin un problema cu un di e muchanan. Nos ta gradici e lidernan hoben : Myah Thompson, Xiorcaniyx Vargas, Zulaima Croes, Jalliyah Vesprey, Keyla Cham, Ashmilayne Maduro, Destiny Johnson , Sharleymis Sparen, Shareldin Krosendijk, Yee Mei Cheong y Anchell Statie.

Na final di e camp a organiza un homerun derby pa e participantenan y pa e coaches. Den participantenan Xhanteally Richardson a gana e homerun derby. Pa e coaches Myah Thompson a gana e homerun Derby.

Tambe tawata tin coremento di base Shaheyley Stroop a gana.

Pa tiramento Xhanteally a gana tur hende hincando 5 bala tras di otro den net.

E siguiente coachnan tambe a hasi un tremendo trabou, Glenda Thomasia, Marina Haynes, Carmelita Haynes, Yolanda Gumbs, Tony Rombley y Caluda Poulina. Danki na boso cu e camp a bai sin problema. Un danki special na e cámara crew di Freewinds cu a filma henter e evento aki y a percura pa cada participante haya nan portret y hopi mas portret como recuerdo di e camp aki.

Roberto, Maria Elena, Pablo y Andres a hasi un tremendo trabou y a sa di capta nos muchanan den acción. Tambe Freewinds a percura pa nos tin e buki” THE WAY TO HAPPINESS” na PAPIAMENTO y HOW TO MAKE GOOD CHOICES  pa reparti pa nos muchanan y pa nan hiba cas Pa esnan interesa den e bukinan aki por subi www.thewaytohappiness.org y haya copia di e bukinan aki of lesa nan online. Pero pa e bukinan na Papiamento por contact Carmelita Haynes na 5940221 pa haya bo copia GRATIS.