Exitoso “Kids Aquathlon” na Rodgers Beach den Colony

Diasabra ultimo e federacion di triatlon, ATA a organisa e prome Kids Aquathlon pa muchanan te cu 14 aña.

E evento di aquathlon a inicia pa 7or di mainta na Rodgers Beach den Colony. E disciplina di aquathlon ta consisti di coremento na pia, landa y finalisa bek e competencia cu un recorido coremento na pia. 

E muchanan a competi den tres categoria di Kids cual ta femenino/masculino 5 – 6 aña y 7 – 8 aña cu a core 500 meter despues mester landa un total di 50 meter y por ultimo core un distancia di 500 meter. Den e categoria di 9-10 y 11-12 aña esakinan mester a core 1km despues landa 100 meter y completa e evento unda mester a core 1km. Por ultimo den e categoria di 13-14 a inicia e careda di coremento riba un distancia di 1.5km despues landa 200 meter y completa e careda cu un coremento di 1.5km. Mester bisa cu e evento a bay sublime unda e e muchanan tur a haci nan best pa.mehora nan tempo den coremento y landamento.

Nos tin e resultadonan. 

Femenino 7 – 8

  1. Ariella Werleman
  2. Esmeralda Jacobs

Femenino 9 – 10

  1. Anaisa Martis
  2. Niamh Tromp
  3. Giovanna Wernet

Femenino 11 – 12

  1. Elizabeth Sotelo
  2. Nathalie Ferrer
  3. Amy-liane Kock

Masculino 9 – 10

  1. Speedy Geerman
  2. Dylan Giel
  3. Miguel Martis

Masculino 11 – 12

  1. Tyree Koeiman
  2. Christiaan Jansen
  3. Rylan Semeleer

Masculino 13 – 14

  1. Justin Morales
  2. Richard Sotelo
  3. Maurice Martis

Relay 13 – 14

  1. Jay Campbell/Carlos Larez
  2. Qiany Lejuez/Giancarla Larez

Stichting Sportsubsidie Aruba ta contento di por aporta y brinda e ayudo na e federacion di Aruba Triathlon Association cu e organisa e Kids Aquathlon pa nos muchanan.  

Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.  Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.