Aruba Trade & Industry Association (ATIA) a keda contento cu nan “Annual Corporate Event” cual a tuma luga diabierna anochi.

E ta un tradicion caba cu tur aña ATIA ta trece un orador, mayoria biaha internacional, specialmente pa nan miembronan den comercio y Gobierno, segun Michelle de Groot, Director di ATIA a splica e anochi aki.

Exitoso evento anual di ATIA

Exitoso evento anual di ATIAhttps://24ora.tv/2XmbmSh

Posted by 24ora on Sunday, November 17, 2019

E aña’ki ATIA a dicidi di trece informacion riba e balor di e capital humano y su importancia den cual kier sector di e mercado laboral. E motibo di e tema aki ta cu comerciantenan na Aruba tin masha dificultad pa haya personanan cu e habilidadnan corecto cu nan compania mester. “Nos ta kere cu ta hopi importante pa pensa con nos comerciantenan por atende cu e problema aki. Pa trece un hende di afo ta hopi dificil y localmente tin cifra di desempleo pero no ta logra haya e hendenan cu e conocemento cu nan mester di dje,” de Groot a splica. E unico solucion ta educando e hendenan cu tin den servicio caba pa bay ocupa otro puesto of trece e hobennan aden y siñando e diferente tipo di trabounan por ocupa un di e puestonan pa cual normal lo no por haya hende.

ATIA tin e percepcion, basa riba e informacion cu nan ta ricibi di miembronan, cu esnan hoben cu drenta e mercado laboral no kier traha cierto horanan, pasobra nan kier ta mas flexibel. E consecuencia ta cu tin hopi movecion di un trabou pa otro, bou di e hobennan, compara cu antes. Aki ta caminda pa traha pa adapta na e sistema unda kisas bira mas flexibel, cu part-timer of cu personanan trahando for di cas locual na otro paisnan ta conceptonan hopi conoci.

E orador tabata Shea Gopaul, kende ta representante special di e organisacion internacional di doñonan di trabou na Nacionnan Uni. El a habri wowo di hopi comerciante riba con por haya e personal necesario sin pasa den e dolor di cabes di pidi permiso pa trece un empleado for di exterior.

Esaki tabata e di dies edicion di e evento corporativo anual organisa pa ATIA cu sponser di CMB y cu a tuma luga na House of Mosaic. 

Comments

comments