FAVI ta duna guia na muchanan cu ta den enseñansa regular y tambe special. E aña aki FAVI ta orguyoso di informa cu varios cliente, ainda mas special, door cu tin diferente di nan cliente, alumnonan di basisschool cu a caba nan 6de klas y cu ta bayendo den enseñansa avansa. Segun Setty Baarh, directora di FAVI, loke ta hacie hopi special tambe, cu nan tin dos di e hobennan aki cu ta completamente ciego, a cuminsa basisschool y cu nan dos a bay HAVO. Esey ta haci’e extra special ainda pa FAVI.

E otro muchanan a bay over y un di nan a slaag for di MAVO y awor aki a bayendo EPI. E aña aki tabata un aña hopi special pa FAVI na unda cu e dos maestranan cu nan tin cual ta Meredith Faarup-Lacle y Nina Fernandes-Werleman, cu a guia e muchanan aki for di inicio di basisschool. No por caba di felicita cada un di e muchanan cu nan logronan. Pero alabes Baarh kier a felicita nan maestranan cu a haci un trabao excepcional cu e muchanan. E ta un momento historico na unda cu dos scol a tuma e reto hopi grandi pa guia dos hoben ciego y e tabata un reto. No por gaña den esaki. Tabata un aña hopi pisa, unda cu e maestranan a guia e scol, a guia e maestra den klas, a guia e muchanan, a guia e mayornan. Tabata un reto hopi grandi, pero cu awe por bisa cu cada un di muchanan cu por a guia na tur e scolnan a bay over of a slaag.

Exito di muchanan ciego of bista limita ta inclusion

Exito di muchanan ciego of bista limita ta inclusion. Click e link pa mas https://24ora.tv/2XC6Mhg

Posted by 24ora on Monday, July 8, 2019

E proceso

Juffrouw Meredith Faarup-Lacle ta maestra ambulante na FAVI y e ta conta di e proceso pa por guia un mucha of hoben pa por drenta un scol normal. E proceso ta cuminsa for di e mucha, hunto cu su mayornan a por conoce su problema di bista. Una bes cu sa di e problema di bista cu e cliente tin, ta cuminsa cu e guia pa e cabesante, IB’er y e team completo di scol. Mirando e trayecto cu e mucha mester bay pasa klas pa klas cada aña escolar, e team mester ta prepara pa sa con pa involucra e cliente aki optimalmente den klas.

E trabao ta sigui

Tur maestro na Aruba awor aki ta cla pa vakantie. Pero FAVI a cuminsa prepara caba pa e siguiente aña escolar. Algun scol a ricibi charla, lesnan integralmente pa sa con pa involucra e cliente den e siguiente aña escolar. Preparacionnan a cuminsa caba pa e aña escolar nobo.

Algo grandi

Pa e cliente e ta algo hopi importante. Ta envolvi’e na scol y ta wak su desaroyo como persona. Apesar di su limitacion di bista, e ta sigui desaroya su mes igual na tur otro persona cu no tin limitacion, ta haya e oportunidad pa mustra su inteligencia den un otro forma. E diferencia ta su forma di skirbi, cu ta Braille. Por lo general, tur otro cos, tur otro les ta keda igual. Su lesamento ta keda igual na tur otro mucha. Djis e forma con e ta skirbi ta diferente y e ta demostra su inteligencia den tur les.

Inclusion

Inclusion ta hopi importante si nos mira nos scolnan. Na prome instante nan ta poco cera, pero una vez nan haya e guia, automaticamente tur cos ta bay hopi bon na e scolnan. Esey ta e parti cu tin cu bisa cu e conscientisacion ta hopi importante si kier trata inclusion, p’esey FAVI t’ey pa sostene tur esnan cu tin un cliente, un alumno cu limitacion di bista, pa asina inclusion por tuma luga.

Comments

comments